|
|
|
龙腾宝马争杯要角
|
上星期六尾场告东尼旗下「自然赢」勇胜对手，被认为系以弱胜强，但有识人士认为系以逸待劳。虽然呢匹马今季出赛唔少，但系知己知彼懂得谋定而动，体力反而比连场拚搏的「妙手」、「多财多毅」、「麒麟三宝」等名气马优胜，赢马绝对合理。
本周三东又有恶马，全晚唯一锦标「铁行杯」由第二班角逐一六五○米。东「龙腾宝马」成为争杯主角，呢匹马今季出过八次，一赢四位战绩不俗，体力是否可以保持？答案系肯定，因为最近两仗经已有回气机会，前仗沙田千八米仅入位置，上次千六米更加系唔入三甲，出闸亦好慢，有人怀疑是否评分到顶？亦有人怀疑是否拚搏多状态有变化？其实系告仔知己知彼，呢两场对手太强，马反而有机会回气。
星期一早上最後试跑，高雅志第一匹骑出跑道同友「好力」拍试，当时东亦有一批马出跑道，但系告仔个望远镜全程跟住「龙腾宝马」，可见紧张，而马跑来虎虎有威，状态绝无低落，睇告仔刻意安排再赢一场，呢匹马以往多数跑沙田，先後跑过两次快活谷，路程同样系一六五○米，获一冠一亚战绩，证明十分合脚法。而告仔亦唔会轻易报快活谷出击，今次适逢其会有机会争锦标，斗志更加旺盛，对手已易，赢面亦增强！
|
|
|
|
|
